මහිලාව....

උදාකර පෙරදිග අඹරින් නැඟි ආ මොහොතේ

සත් සමුදුරු කලඹවමින්

රෝස මල් යහනාවෙන්

අප්සරා....

අරවින්ද පිපි දෙරණට

බිඟු නින්නාද අතුරින්

මල් රෝන් වැටි පෑයුවේ සිත

පිනි බිංදු වැටුන සේද මාවතේ

අනුරාග සේලයෙන් වටොර

පිරිපුන් පයෝධර දවටා

පුළුලුකුල වැසි මණිමෙඛලා

මන වශි නීල දෙනයනින්

සේදයක් වු වරලස සලමින්

නා දළු තොල් පෙති අතරින්

මුතු පෙන්නා.....

අන්ගනා ප්‍රේම කුසුම් අතැතිව

උන්මාදිනිය ලෙසින්

සිසිකැන් හෙලමින්

ප්‍රදීපයක් ලෙස

තිමිර ප්‍රභාවත් කරමින්

ඒ ප්‍රේම කන්‍යාවිය

ප්‍රේම කුමරු සොයමින් එන්නි.....